AKTOREAK
HONI BURUZ
Euskaraz sortua eta euskaraz bizitzeko gonbita den ikuskizun hau musika, antzerkia eta dantzaren arteko topagune bizia da. Emanaldiak bidaia emozional eta kolektibo batera eramango gaitu, non gure hizkuntzaren eta kulturaren aldarrikapena, laguntasuna, natura eta balore unibertsalak (hala nola autoestimua, enpatia eta elkarbizitza)izango diren ardatz nagusiak.
Bloke ezberdinen bidez, publikoak garai eta belaunaldi desberdinetako abestiak entzun eta bizitzeko aukera izango du, iraganaren eta orainaren arteko zubia eraikiz. Emoziozbeteriko festa koloretsu bat izango da: belaunaldi ezberdinetako pertsonak elkartuko ditu, dantzan, antzezten eta kantuan, denok elkarrekin ondo pasatzeko eta komunitate-sentimendua indartzeko.
Ikuskizunaren amaieran, sortutako energia kolektiboa ospatuko da, elkarrekin sortutako familia baten parte garela sinetsita.
GUREKIN DANTZATU NAHI DUZU?
