Aktorea
GAIA
"Solo Fabiolo Glam Slam"ek umore desberdina proposatzen du. Espainian gaur egun gertatzen direnen satira fin bat da hau, “One man show” formatuan, Fabiolo deritzon Madrilgo jet seteko pertsonaia pijo baten ahotik eta gorputzetik. Pertsonaia lotsagabea, hitzontzia eta makarra, aberaskume asko izan ohi diren bezalakoa. Rafa Maza aktorea tenistaz jantziko da gaurko kontuekin tenisean aritzeko, bere estiloan eta bere dotorezia esnobaz. Inork baldin badaki zer gertatzen den gizartearen goialde horietan, Fabiolok daki ondo, eta kontatzera etorri zaigu. Fabiolok baizik ez du klasea eta dotorezia sakean.
“High style”ko bufoi bat da sarera igotzen denean; adeitsua, xaloa eta sinpatikoa, berriz, drivean; probokatzailea errebesean, eta kritiko zorrotza, betiere, match pointera iritsitakoan.
Rafa Maza ez da ohiko monologogile bat. Kantatu egingo du, hogeitik gora pertsonaia imitatuko, bost erraketari eutsiko die airean, ikus-entzuleen altzoan eseriko da… “Barrez lehertzekoa”, “irudimenaren tour de force-a”, “bufoi-joko coola”
Ez galdu aukera hau! Zatoz Fabiolorekin tenisean egitera!
FITXA
IRAUPENA: 80 min
GIDOIA: Rafael Maza eta Alberto Gálvez
ZUZENDARIA: Rafael Maza Fernando Gallego laguntzarekin, Marcos Chanca eta Alberto Gálvez
AKTOREA: Rafael Maza
SOINUA: Juan Pedro Miranda
DISEINUA: Tropical Estudio
ESTILISMOA: Iñaki Maestre
